دایک لەنێو مناڵدانیدا، نۆ مانگ کۆرپەلەکەی هەڵدەگرێ.
ئەو تەمەنەی لە ژیانی مناڵەکەشدا دەمێنێتەوە، باوک هەڵیدەگرێ و هەستیشی پێ ناکا.
دایک کاتێ دڵنیادەبێ و خەو لە چاوانی دەکەوێ، کە کۆرپەکەی برسی نەبێ.
باوک مناڵەکەی فێردەکا، برسی نەبێ، بەڵام مناڵەکە هەستی پێ ناکا.
دایک کۆرپەکەی لەسەر سنگی هەڵدەگرێ.
بەڵام باوک مناڵەکەی، لەسەر پشتی هەڵدەگرێ و ناشیبینێ.
هەموو مناڵێ هەر لە مناڵییەوە، هەست بە خۆشەویستی دایک دەکا.
بەڵام کاتێ هەست بە خۆشەویستی باوک دەکا، کە خۆی بوو بە باوک.
دایک بە هیچ شێوە و نرخێ هەڵ ناسەنگێنرێ.
بەڵام ڕۆژگار باوک دووبارەناکاتەوە.
لەگەڵ ئەوەشدا، دایک هەمیشە بە مناڵەکانی دەڵێ:
کاتێ باوکتان بۆ ماڵەوە گەڕایەوە، بە زەردەخەنەیەکی شیرین، پێشوازی لێ بکەن. چونکە جیهانی دەرەوە، جیهانێکی سەختە و پڕە لە ناخۆشی، باوکتان تێکدەشکێنێ.
لە ئەنجامدا منیش دەڵێم:
دایک و باوک دووانەیەکن، بەراوردناکرێن و لە یەکدی جیانابنەوە، سەبارەت بە مناڵەکانیان، لە ژیاندا یەک ئەرک و یەک ئامانجیان هەیە. هەردووکیشیان وەک دوو چەپکە گوڵ، دوو دڵ و گیانی گەورە و بەسۆز، وەک دوو گەوهەری شەوچراخ وان، تا لە ژیاندا بن، وەک تیشکی خۆرێکی ڕووناک و بەهێز، بۆ مناڵەکانیان دەسووتێن، ڕێی تاریکی ژیانی مناڵەکانیان ڕووناکدەکەنەوە، تا لە ژیانیشدا بن، نە هەرگیز بێزاردەبن، نە وازیش لە خۆشەویستی مناڵەکانیان دێنن.
سڵاو لە هەموو دایکان و باوکانی کورد ...
تێبینی: ئەم دەقەی سەرەوە لە عەرەبییەوە وەرگیراوە و ڕۆژنامەوان خاتوو (نەجاح بەدران) بڵاویکردووەتەوە.